د اسلامی انقلاب د شهید رهبر د جنازې دستورې به د ایران په درو ښارونو کې ترسره شي
ایکنانیوز راپور راکوي، د تهران ښاروالۍ د ټولنیزو او فرهنګي چارو مرستیال محمد امین توکليزاده پرون په یولړ څرګندونو کې وویل: د شهید امام خامنه اي د وصیت او د هغه د نږدې کسانو د سپارښتنو له مخې به د هغه بزرګوار پاک مړی په مشهد مقدس کې د حضرت امام رضا (ع) په سپيڅلي حرم کې خاورو ته وسپارل شي.
هغه د شهید رهبر د جنازې لپاره د درې ورځني بدرګې او ۲۴ ساعته مراسمو خبر ورکړ او وې ویل: د مراسمو د ترسره کېدو ځای لا تر اوسه نهائي شوی نه دی او د تهران ستره عیدګاه یا مصلی» او «د امام خمیني (رح) سپېڅلي حرم تر مینځ به یو ځای وټاکل شي.
د تهران ښاروالۍ فرهنګي او ټولنیز مرستیال همدارنګه وویل چې ښائي دغه مراسم د ذوالحجې میاشتې په پاي او د محرم میاشتې په پیل کې ترسره شي.
هغه زیاته کړه: اټکل کېږي چې په تهران کې د جنازې دستورې لږ تر لږه ۲۴ ساعته دوام وکړي، له د ې وروسته به سپېڅلی جنازه د ورته مراسمو لپاره قم او بیا په پاي کې مشهد مقدس ته ولېږدول شي.
نوموړي وویل: د مشهد د جغرافیائي موقعیت له امله اټکل کېږي چې دغه ښار به د بهرنیو زیارتکوونکو د لویو کاروانونو کوربه وي، په تیره بیا له پاکستان، افغانستان، هند، بنګلهدېش او کشمیر سیمې څخه. په همدې موخه د آستان قدس رضوي ادارې او د خراسان رضوي ولایت سپاه پا سدارانو ځانګړي تدابیر غوره کړي دي.
هغه په پای کې وویل: د شهید رهبر جنازه به یو بېساری او ځانګړی تشییع وي؛ ځکه مونږ د نړۍ د استکبار ضد مبارزې د تر ټولو ستر رهبر او دینی مرجع جنازه ترسره کوو.
https://iqna.ir/fa/news/4355868
